A principios do mes de febreiro a comisión organizadora, a Asociación cultural Banda de Música Municipal de Ribadumia poñía toda a maquinaria en funcionamento para comezar cos preparativos da segunda edición da Romaría da Música. Nesta edición a comisión acordou mudar a os pratos da oferta de menú. Se o ano pasado se apostou polo churrasco e pulpo á feira. Parece ser que volverán a apostar polo churrasco, pero haberá un prato de culler e pucheiro. Quen sabe con que nos sorprenderán… No tocante á oferta cultural esta será igual ou máis variada que na edición pasada. Contarase coa presenza de dúas bandas de música, charanga, grupos da localidade de baile/zumba, grupos folclóricos… todo un evento musical! E non podía faltar a ampla oferta de animación infantil e xuvenil.